Wednesday 26th of September | २०७५ असोज १० बुधबार

न्यूज अभियान
हरेक खबर विशेष खबर

नेपाली फुटबल टोली चीनमा

न्यूजअभियान | प्रकाशित मिति : २०७५ श्रावण २६ शनिबार |
newsabhiyan

काठमाडौं  । चीनको किङदाओ सहरमा आयोजना हुने गोथिया कप फुटबलमा सहभागी हुन नेपाली युवा टोली शनिबार त्यसतर्फ प्रस्थान गरेको छ ।


२० सदस्यीय टोलीमा १६ खेलाडी र चार अफिसियल छन् । सुरजित दत्तको नेतृत्वमा चीन गएको नेपाली टोलीका खेलाडीमा आभास महर्जन, श्रीजेस कार्की, शुलभ ढंगाना, रिशभ खनाल, विराज लामिछाने, मञ्जिल श्रेष्ठ, दीक्षान्त भट्ट, प्रवुद्धमान तुलाधर, प्रिन्स थपलिया, रस कार्की, ग्रीष्मा राणा, सुप्रवल कर्माचार्य, अनुकरण बालक, रित्ता दत्त, योग जोशी र शीर्षक राणा छन् । यसैगरी प्रशिक्षकमा प्रज्वलप्रताप क्षत्री र अफिसियलमा विजय महर्जन र गौतम हर्जा छन् ।


नेपाली टोलीले यू–१६ स्पर्धामा प्रतिस्पर्धा गर्ने छ । यू–१६ समूहमा एक सय ९० टोली रहेका छन् । नेपाली टोलीको मुख्य लक्ष्य समूह चरण पार गर्दै दोस्रो चरणमा पुग्नु रहेको टोलीका प्रशिक्षक प्रज्वलप्रताप क्षत्रीले बताए ।


गोथिया कप युवा संलग्न विश्वको सबैभन्दा ठूलो प्रतियोगिता भएको बताइएको छ । सन् १९७५ मा सुरु भएको यो प्रतियोगितामा हरेक वर्ष ८० राष्ट्रका एक हजार सात सय टोलीले प्रतिस्पर्धा गर्ने गरेको छ । हरेक वर्ष एक सय १० वटा मैदानमा चार हजार पाँच सयभन्दा बढी खेलहरु सञ्चालन हुँदै आएको छ ।


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan