Thursday 13th of December | २०७५ मङ्सिर २७ बिहिबार

न्यूज अभियान
हरेक खबर विशेष खबर

दशैँअघि कर्णालीमा चामल ढुवानी गरिने

न्यूजअभियान | प्रकाशित मिति : २०७५ असोज २५ बिहिबार |
newsabhiyan

सुर्खेत, २५ असोज (रासस) : नेपाल खाद्य संस्थान सुर्खेतले दशैँअघि नै कर्णालीका सबै खाद्य डिपोमा चामल ढुवानी गरिसक्ने भएको छ ।

हुम्ला र डोल्पामा हवाई तथा बाँकी जिल्लामा स्थलमार्गबाट संस्थानले सहुलियत दरको चामल ढुवानी गरिरहेको छ । कर्णालीका उच्च पहाडी र हिमाली जिल्लामा दशैँतिहारका बेला खाद्यान्न अभाव हुन नदिन प्रभावकारी ढुवानी व्यवस्थापन मिलाइएको छ ।

संस्थानका सुर्खेत कार्यालय प्रमुख भीम थापाले असोज मसान्तसम्म कर्णालीका २३ वटै डिपोमा चामल ढुवानी गरिसक्ने बताउनुभयो । पछिल्लो पटक संस्थानको सुर्खेत गोदामबाट मुगुका लागि ६ सय क्विन्टल चामल पठाइएको छ । हुम्लाका लागि एक हजारमध्ये ५० क्विन्टल चामल हवाई मार्गबाट सदरमुकाम सिमकोट पु¥याइएको छ । प्रमुख थापाले डोल्पामा यस पटक एक हजार ७०० क्विन्टल चामल मौज्दात रहेको बताउनुभयो ।
कालीकोट र दैलेखमा सुर्खेतबाट तथा जाजरकोटमा संस्थानको क्षेत्रीय कार्यालय नेपालगञ्जबाट खाद्यान्न ढुवानी भइरहेको छ । संस्थानले आफ्ना डिपोमार्फत जिरा मसिनो, सोना मनसुली र जापानी चामल सहुलियत दरमा बिक्री वितरण गर्दै आएको छ । कर्णाली प्रदेशका १० जिल्लाभित्र सल्यान र सुर्खेत मात्र खाद्यान्नमा आत्मनिर्भर मानिन्छन् । यी दुईबाहेक बाँकी जिल्लाका सर्वसाधारणलाई वर्षेनी खाद्य संस्थानको भर पर्नुपर्ने बाध्यता छ । सुर्खेतमा सर्वसाधारणका लागि खाद्य संस्थान र साल्ट ट्रेडिङ कर्पोरेशनले चाडपर्वलाई लक्ष्य गरी सुपथ मूल्य पसल सञ्चालनमा ल्याएको छ । 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan