Thursday 24th of January | २०७५ माघ १० बिहिबार

न्यूज अभियान
हरेक खबर विशेष खबर

अदालतको अपहेलना गर्दै राष्ट्रिय सम्पदा धरहराको आडमा व्यवसायिक टहरा निर्माण तिव्र

न्यूजअभियान | प्रकाशित मिति : २०७५ मङ्सिर २४ सोमबार |
newsabhiyan
newsabhiyan

काठमाडौं, २४ मंसिर । राष्ट्रिय सम्पदा धरहरा भन्दा धरहराको अस्तित्व नै नामेट पार्ने व्यवसायिक टहरा निर्माण तिव्र भएको भन्दै स्थानीयहरु आन्दोलित भएका छन् । राष्ट्रिय सम्पदा बचाउ अभियान स्थानीय संघर्ष समितिमार्फत स्थानीयहरु आन्दोलित बनेका हुन् ।

स्थानीयलाई बिना सूचना, बिना जानकारी गुठी संस्थानले दादागिरी शैलीमा निर्माण कार्य अगाडि बढाएको स्थानीयको आरोप छ ।

पैसाको चलखेलका कारण पटक–पटक अदालत र सरकारी निकायलाई समेत हवाला दिंदै बिदाको दिन पारेर निर्माण कार्य अगाडि बढेको भन्दै संघर्ष समितिले सरकारी निकायको ध्यानाकर्षणसमेत गराएको छ ।

स्थानीय संघर्ष समितिका अनुसार गुठी संस्थानले प्रधानमन्त्रीको कार्यालय, पुरातत्व विभाग, महानगरपालिका, महानगरपालिकाको वडा नम्बर ११ कार्यालय लगायत कसैको पनि स्विकृति बेगर उक्त निर्माण कार्य अगाडि बढेको हो ।

यस अघिका यी सबै निकायको निर्माण नगर्नु भन्ने निर्णय र उच्च अदालत पाटनले समेत गरेको आदेशको समेत अपहेलना गर्दै गुठी संस्थान व्यवसायिक टहरा निर्माणमा लागेको उनीहरुले बताएका छन् ।

स्थानीयले सबै तिरको निर्णय लत्याउँदै बैकुण्ठ रेग्मीको नेतृत्वमा गुठी संस्थानका महानिर्देशक नारायण चौधरी र प्रहरी प्रशासनको उपस्थितिमा उक्त अवैध निर्माण अगाडि बढेको पनि आरोप लगाएका छन् ।

स्थानीय क्लबका साथै संघर्ष समितिका वेदप्रकाश गौतम, रामेश्वर शिवा, राजेश डंगोल लगायतले जबरजस्त रुपमा पुरातात्विक क्षेत्रभित्र बिना नक्सा कम्पाउण्ड वाल लगायत अन्य जुन सुकै व्यवसायिक भवन निर्माण भए पनि बल प्रयोग गरेर त्यसलाई भत्काइने चेतावनी दिएका छन् ।

यसअघि ‘मेरो धरहरा मै बनाउँछु’ भन्ने सरकारको अभियानलाई सफल पारौं भन्दै धरहराका स्थानियबासीहरुले प्रधानमन्त्री तथा मन्त्रिपरिषद्को कार्यालयमा दशौं हजारको हस्ताक्षरसहित ज्ञापनपत्र समेत बुझाएर सरकारको ध्यानाकर्षण गराएपछि उक्त निर्माण कार्य रोकिएको थियो ।

राष्ट्रिय सम्पदा धरहरा वरीपरी अन्य कुनै व्यापारिक भवनहरु निर्णण हुन नहुने र उक्त स्थललाई पर्यटकीय स्थल बनाईनु पर्ने उनीहरुको माग रहेको छ ।

अहिले एकातिर धरहरा निर्माण कार्य अगाडि बढेको छ भने अर्कातिर सडकका समेत मापदण्ड मिचेर भीम मुक्तेश्वर गुठी संस्थाले भाडामा लिई व्यापारिक भवन निर्माण तिव्र पारेको उनीहरुले बताएका छन् ।

राष्ट्रिय सम्पदा बचाउने अभियानमा स्थानीय खिचापोखरी युवा क्लब, संकटा क्लबका साथै अन्य स्थानीयहरु लागिप रेका छन् । स्थानीयले गुठी संस्थानको जग्गालाई पार्किङमा प्रयोग गर्न सक्ने तर व्यापारिक भवन बन्न नदिने बताएका छन् । 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan