Monday 23rd of November | २०८३ मङ्सिर ७ सोमबार

न्यूज अभियान
हरेक खबर विशेष खबर

५० लाख खर्चेर धर्मपथ पैदलमार्ग निर्माण

न्यूजअभियान | प्रकाशित मिति : २०८३ मङ्सिर ६ आइतबार | (रासस)

बागलुङ ६ मङ्सिर : बागलुङ नगरपालिका–४ कुडुँलको दारेगौडादेखि कालीगण्डकी नदीको ढोडेनीसम्म रु ५० लाखको लागतमा धर्मपथ पैदलमार्ग निर्माण गरिएको छ ।

    स्थानीयवासीको चन्दा तथा बागलुङ नगरपालिका र गण्डकी प्रदेश सरकारको सहयोगमा करिब एक किलोमिटर लामो पैदलमार्ग निर्माण गरिएको हो । पैदलमार्ग बनेपछि यसअघि भीर र पहाडको बाटो हुँदै आवतजावत गर्नुपर्ने स्थानीय तथा कालीगण्डकीमा स्नान गर्न जाने यात्रुलाई सहज भएको छ ।

    पैदलमार्ग निर्माण समितिका अध्यक्ष कृष्णप्रसाद आचार्यका अनुसार २०८२ साल माघ १९ गते सुरु भएको निर्माण कार्य २०८३ साल कात्तिक २२ गते सम्पन्न भएको हो । पैदलमार्गमा चार वटा विश्रामस्थल, तीन वटा पानी ट्याङ्की र भगवान् शिवको मूर्ति स्थापना गरिएको छ । नगरपालिकाबाट रु तीन लाख, एकीकृत सेवा कार्यालय बागलुङबाट रु पाँच लाख तथा बाँकी रकम स्थानीयवासी र सहयोगदाताबाट जुटाइएको अध्यक्ष आचार्यले जानकारी दिनुभयो ।

    पैदलमार्ग निर्माणबाट कुडुँले, छापा, सीमा, लमगाउँ, ठूलास्वाँरा र रमेटार क्षेत्रका बासिन्दा लाभान्वित हुने समितिले जनाएको छ । विशेषगरी कालीगण्डकी नदी किनारमा शवदाहका लागि शव पुर्‍याउन, घाँसदाउरा गर्न, खेतीपातीमा जान तथा दैनिक आवतजावत गर्न सहज हुने अध्यक्ष आचार्यले बताउनुभयो ।

    ‘आफ्नो गाउँ आफैँ बनाऔँ’ भन्ने नारासहित स्थानीयवासीको सक्रियतामा पैदलमार्ग निर्माण गरिएको हो । यसले धार्मिक तथा सामाजिक गतिविधिका साथै स्थानीयको दैनिक जीवनयापनमा समेत सहयोग पुग्ने अपेक्षा गरिएको छ ।

    पैदलमार्गको बागलुङ नगरपालिकाका प्रमुख वसन्तकुमार श्रेष्ठले एक समारोहबीच उद्घाटन गर्नुभएको थियो । उहाँले सरकारी लगानीको तुलनामा स्थानीयवासीको ठूलो योगदानमा निर्माण भएको यस पैदलमार्गले विकास निर्माणमा सामुदायिक सहभागिताको उदाहरण प्रस्तुत गरेको बताउनुभयो ।

यो खबर पढेर तपाईलाई कस्तो महसुस भयो ?

न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुक र ट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan