चट्याङ लागेर घाइते भएका एक जनाको मृत्यु
न्यूजअभियान | प्रकाशित मिति : २०८३ भदौ ३ बुधबार |
गोरखा, ३ भदौः गोरखामा चट्याङ लागेर घाइते भएका दुई जनामध्ये एक जनाको मृत्यु भएको छ ।
चट्याङ लागेर घाइते भएका बारपाक सुलिकोट–७ बालुवाडाँडाका ३२ वर्षीय दिलबहादुर कुँवरको मृत्यु भएको जिल्ला प्रहरी कार्यालयले जनाएको छ । उनको प्रदेश अस्पताल गोरखामा उपचारका क्रममा आज मृत्यु भएको हो ।
चट्याङ लागेर सोही ठाउँका ४५ वर्षीय प्रेमबहादुर कुँवर घाइते भएका वडाध्यक्ष कृष्ण गुरुङले जानकारी दिनुभयो । उनको प्रदेश अस्पताल गोरखामै उपचार भइरहेको छ ।
