शीतलहरबाट नागरिकलाई जोगाउन सर्लाही प्रशासनको यस्तो निर्णय
न्यूजअभियान | प्रकाशित मिति : २०८३ मङ्सिर १ मंगलबार |
काठमाडौं । बढ्दो शीतलहरका कारण सर्वसाधारणको जनजीवन प्रभावित हुन थालेपछि जिल्ला प्रशासन कार्यालय सर्लाहीले नागरिकको सुरक्षा र स्वास्थ्यलाई ध्यानमा राख्दै आवश्यक सतर्कता अपनाउने निर्णय गरेको छ।
शीतलहरबाट विशेषगरी बालबालिका, ज्येष्ठ नागरिक, सुत्केरी, अपाङ्गता भएका व्यक्ति तथा विपन्न समुदाय बढी प्रभावित हुन सक्ने भएकाले उनीहरूको सुरक्षालाई प्राथमिकता दिइने निर्णय गरिएको हो।
प्रशासनले चिसोबाट बच्न न्यानो कपडा प्रयोग गर्न, अनावश्यक रूपमा घरबाहिर ननिस्कन र आगो ताप्दा सावधानी अपनाउन नागरिकलाई आग्रह गरेको छ।
प्रशासनको यो पहलले शीतलहरबाट हुन सक्ने मानवीय क्षति न्यूनीकरणमा सहयोग पुग्ने अपेक्षा गरिएको छ।
.jpg)
.jpg)


