मन्त्रिपरिषद्को बैठक आज बस्दै
न्यूजअभियान | प्रकाशित मिति : २०८३ असोज १९ सोमबार |
काठमाडौं, १९ असोज । मन्त्रिपरिषद्को बैठक आज बस्ने भएको छ। बैठक सिंहदरबारस्थित प्रधानमन्त्री तथा मन्त्रिपरिषद्को कार्यालयमा दिउँसो ३ बजे बस्न लागेको हो।
बैठकमा समसामयिक राजनीतिक तथा प्रशासनिक विषयसँगै विभिन्न मन्त्रालयका प्रस्तावमाथि छलफल हुने बताइएको छ। यस्तै, सरकारले अघि बढाइरहेका कामकारबाही, विपद्पछिको राहत तथा पुनःस्थापना र आगामी कार्ययोजनाका विषयमा समेत छलफल हुन सक्ने जनाइएको छ।
मन्त्रिपरिषद् बैठकले आवश्यक निर्णय तथा नियुक्तिसम्बन्धी प्रस्तावहरूमा समेत निर्णय गर्ने अपेक्षा गरिएको छ। बैठकपछि सरकारका निर्णयहरू सार्वजनिक गरिनेछ।
