न्यूज अभियान
हरेक खबर विशेष खबर

काठमाडौं । नेपाली कांग्रेसको १५औँ महाधिवेशनअन्तर्गत नेतृत्व चयनका लागि भएको मतदानमा ७ हजार ३९ जना महाधिवेशन प्रतिनिधिले मतदान गरेका छन्। कुल मतदाता संख्या ७ हजार ३१७ रहेकामा ७ हजार ३९ जनाले आफ्नो मताधिकार प्रयोग गरेका हुन्।

प्राप्त विवरणअनुसार कुल मतदातामध्ये २७८ जना प्रतिनिधिले मतदानमा भाग लिएनन्। पार्टीको नयाँ नेतृत्व चयनका लागि भएको मतदानलाई कांग्रेसको आगामी राजनीतिक दिशा र संगठनात्मक भविष्यका दृष्टिले महत्त्वपूर्ण रूपमा हेरिएको छ।

महाधिवेशनबाट सभापतिसहित केन्द्रीय कार्यसमितिका विभिन्न पदमा निर्वाचित हुने नेतृत्वले पार्टीको संगठन सुदृढीकरण, आन्तरिक एकता र आगामी राजनीतिक रणनीति तय गर्ने अपेक्षा गरिएको छ।

मतदानमा सहभागी प्रतिनिधिहरूले आफ्नो मतमार्फत पार्टीको भावी नेतृत्व चयन गरेका छन्। अब मतगणनाबाट आउने परिणामले कांग्रेसको नयाँ नेतृत्वको टुंगो लगाउनेछ।