न्यूज अभियान
हरेक खबर विशेष खबर

अस्ट्रेलियाको न्यु साउथ वेल्सको न्यु क्यासलमा शनिबार बिहान एउटा कार भीडमा ठोक्किँदा १० जना घाइते भएका छन् ।

प्रहरीका अनुसार बिहान करिब ९ः३० बजे अनियन्त्रित रूपमा चलिरहेको कारले सडक किनारमा भेला भएका मानिसहरूलाई ठक्कर दिएको हो । घाइतेमध्ये ५ वर्षीया बालिका र ६७ वर्षीय पुरुषको अवस्था गम्भीर रहेको छ । अन्य आठ जनाको अवस्था भने जीवनलाई खतरा नपर्ने खालको छ ।

स्थानीय रग्बी टोली न्यु क्यासल नाइट्सलाई बिदाइ गर्न समर्थकहरू भेला भएका बेला दुर्घटना भएको हो । टोली आइतबार हुने नेसनल रग्बी लिगको ग्रान्ड फाइनल खेल्न सिड्नी जाँदै थियो ।

कार चलाइरहेका १८ वर्षीय युवकलाई घटनास्थलमै प्रहरीले पक्राउ गरेको छ । उनलाई लागूऔषध तथा मदिरा परीक्षणका लागि अस्पताल लगिएको छ । प्रहरीले उनीमाथि अभियोग लगाउने तयारी गरेको जनाएको छ ।

प्रधानमन्त्री एन्थोनी अल्बानिजीले घटनाप्रति दुःख व्यक्त गर्दै घाइते तथा प्रभावित सबैप्रति सहानुभूति प्रकट गर्नुभएको छ ।