न्यूज अभियान
हरेक खबर विशेष खबर

काठमाडौँ, १४ असोजः नेपाल कम्युनिष्ट पार्टी (एमाले) का अध्यक्ष केपी शर्मा ओलीले झापा आन्दोलनका योद्धा घनेन्द्र बस्नेतको निधनप्रति दुःख व्यक्त गर्दै भावपूर्ण श्रद्धाञ्जली व्यक्त  गर्नुभएको छ । 

    अध्यक्ष ओलीले बस्नेतको निधनको दुःखद खबरले आफू स्तब्ध भएको उल्लेख गर्नुभएको छ । उहाँले नेपालको कम्युनिष्ट तथा लोकतान्त्रिक आन्दोलनमा बस्नेतले पु¥याउनुभएको योगदान अविस्मरणीय रहेको बताउनुभएको छ । 

    अध्यक्ष ओलीले लामो जेलजीवन र यातनाका अनेकौँ शृङ्खला पार गर्दै बस्नेतलगायतका योद्धाले लोकतान्त्रिक अधिकार प्राप्तिका लागि संघर्ष गरेको स्मरण गर्नुभएको छ । ती कष्टपूर्ण दिनहरू आफूले सम्झिरहेको पनि उहाँले उल्लेख गर्नुभएको छ ।

    अध्यक्ष ओलीले बस्नेतको सङ्घर्ष र योगदान नेपालको कम्युनिष्ट तथा लोकतान्त्रिक आन्दोलनको इतिहासमा सधैँ सम्मानपूर्वक स्मरण भइरहने उल्लेख गर्नुभएको छ ।